ბასრი ინვენტარი: მიაქციეთ ყურადღება, რომ თქვენი დანა ბლაგვი არ იყოს. სხვა შემთხვევაში ის ბალახს არ მოჭრის, არამედ მოაგლეჯს, რაც არამარტო გაართულებს პროცესს, ასევე გამოიწვევს ეზოს გაყვითლებას. ამიტომ წელიწადში ერთხელ ან უფრო ხშირად მაინც გალესეთ სათიბი დანები.

დაიცავით „სიმშრალის წესი“: არასოდეს გათიბოთ სველი ბალახი. ის ეკვრის აპარატს, ქმნის ბელტებს და აფერხებს პროცესს. ყველაზე უარეს სიტუაციაში კი აფუჭებს ინვენტარს სრულიად. თიბვა ყველაზე მეტად რეკომენდებულია მშრალ და გრილ ამინდში.

შეცვალეთ მიმართულება ყოველი პროცესის დროს: სხვადასხვა მიმართულებით თიბვა ხელს უშლის ნიადაგის დატკეპნას და ბალახს აძლევს საშუალებას უფრო სწრაფად და სწორად გაიზარდოს.

ზაფხულის სიცხე და ბალახის სიმაღლე: მაღალტემპერატურიან ამინდში არ გირჩევთ გაზონის კრეჭვას (თუ ზედმეტად მაღალი არ არის). გრძელი ბალახი ქმნის ბუნებრივ ჩრდილს, რაც იცავს ფესვებსა და ნიადაგს გაშრობისგან. თუ სიცხეში საფარს ზედმეტად დაამოკლებთ, ბალახი დაკარგავს სიხალასეს.

ნუ შეაგროვებთ ნათიბს: თუ ბალახი არ არის ძალიან მაღალი, დატოვეთ დაქუცმაცებული ნათიბი გაზონზე. ის მოქმედებს როგორც მულჩა, ინარჩუნებს ტენიანობას და წარმოადგენს ბუნებრივ სასუქს.